EL PARLAMENT
El Parlament
Nel denter la sala del Parlament,
fata de ori, de fregi e cement,
i sciur deputai, con ghete e mantel,
parlavan tra lori de questo e de quel.
Le storie e le fole de’ quei signoroni
empivan gli arassi, ed anco i maroni;
l’aria inzupata de’ gran parolai,
a stento e a fadiga guariva i so’ cai.
Al zenter, nel meso, sedeano i bianchi,
pomposi, paffuti, sbragati sui banchi;
le cicce mollazze, che ussean dai bragoni,
fasean pensare a de’ gran maialoni.
Rosa e pelati, le guance polpute,
li occetti filanti, le gridole acute,
le ciarle barocche e i ninnoli d’oro:
parea de vardare un gran concistoro.
Chi se strussava el baffo oleoso,
chi se schiocciava le nari col coso;
e sotto, pian piano, su dal paviment,
stagnava ‘na spussa de ver stallament.
Quei balanzoni, onti e pagnocci,
versean le boccasse serrandose i occi,
impiando coccasse in drento le bocche,
lustrando felici gli stemmi e le cocche.
Scodi crossiati brillevan smaltadi,
simboli eterni di corvi attempati;
ogni mattina ussean de la casa
fasendo del mondo ‘na tabula rasa.
Drento le zacche, in fondo al taschino,
l’è tutto un rosario, ‘na crosse, un santino;
tiran la voce da un pulpito immenso,
i pare de’ preri, e fan anca senso.
Domenega è sacra, la messa è un dovere,
bisogna che tuti i se fassa vedere;
la chioma stirada, la barba ben fata,
famegia impettita, che pare de lata.
I parla de amore, de pace e de cuore,
i è tuti parati a calmarte el dolore;
le done gà i grupi de la carità,
e drio de le spale i t’ha za ciavà.
I sa tuto lori, de questo e de quel,
i odia a la morte la falce e il martel;
la verità la gà sul lor viso,
i gà tuti un posto, lassù in paradiso.
Po’, sulla ritta, stavasi i neri:
ritti, silenti, scuri ed alteri;
lucidi in mente, li denti perfetti,
mentre le onge le par de’ stiletti.
Questi, d’invesse, blateran ben poco,
e in spesso, alla cena, se ciucciano un oco;
son fieri, distinti, lo mento levato,
lo core annerito, lo sangue slavato.
Il cinto sguarrappa il calzone stirato,
i ga la camisa col bavero alsato;
tali, pù veci, salutan man mano,
levando la destra al saluto romano;
antri, pù zoveni, ben impetiti,
sfrognano l’aria pensando a gran miti.
Intorno alle teste, zirandone in tondo,
ghe stano li oselli de tuto ‘sto mondo:
aquile, falchi, e pò barbagianni,
civette, gufoni, su tutti gli scranni.
Ciascun g’ha ‘na storia legata a quei anni,
in cui i se consava co’ dei neri panni;
i g’ha nostalsia de zerti laori,
de quando se ussiva in tanti, là fuori.
Fasean grandi feste in drento a ‘na piassa,
e ‘n po’ alla fine par tuti focassa;
là tuti in fila a far scoribande,
tuti ginasti, tuti in mutande.
E quando alla sera, finio de far saggio,
un po’ dè quei baldi, per farse coraggio,
i andava per case con zerte bottiglie,
sbregando le porte de zerte famiglie.
Piombava cò l’oio da farghe ciucciare
a quei che sul gosso non pol sopportare;
g’avea delle storie con zerti todeschi,
i stava con lori, i stava ben freschi.
Eco, a la manca, che s’ergono i rossi,
arzilli, furbetti, cò brassi ben grossi;
paion fringuelli, merletti e coccai,
ponzando a sbroiare i guai operai.
Sol peto a brillare la stela compagna,
che sgionfa infinia , che sale e se sfragna;
in fronte stampadi la falce e il martel,
in rosso a ciarlare ghe anca l’osel.
In quanto a sbragare li moti operai,
de quei di miniera i sanno i lor guai;
san tuto de tuti, dei ferrotramvieri,
le lotte di oggi, le botte di ieri.
Non dorman la notte pensando ai portuali,
che ‘l deve risolvere anco i lor mali;
e zò gran riunioni, convegni, assemblee,
e i ciarla e pò i batola come diarree.
L’han fat tuti un viass in dove ghè i Russi,
che i magna patate, che i magna i capussi;
e quando i tornava contando del viaggio,
g’avea zà perdù un po’ de coraggio.
E insomma li drento, quel gran guazzabuglio,
l’è ‘n gran porcaio de inverno e de luglio;
e tuti compagni i move le fila
de nostra Italia, fino alla Sila.
L’é ‘n bel ventaglio de mille colori,
i fa pur de’ corsi per far tuto lori;
e po’, alla fine, sanza creansa,
al popol ghe viene il male de pansa.
A forsa de fare di leggi e decreti,
per farne stare boni, tranquilli e quieti,
al cul de ciascun se incolla la scragna,
e po’ su qué banchi… l’è un gran magna magna.